नयाँ दिल्ली । भारतका केन्द्रीय गृहमन्त्री अमित शाहलाई कोरोना संक्रमण पुष्टि भएको छ ।
गृहमन्त्री शाहले ट्वटीट गर्दै आफुलाई कोरोना संक्रमण भएको पुष्टि गरेका हुन् ।
शाहले डाक्टरहरुको सल्लाहअनुसार आफु अस्पतालमा भर्तीभएको जनाएका छन ।
उनले केही दिनदेखि आफुसँग सम्पर्कमा आएका सबैलाई कोरोना परीक्षण गराउन आग्रह गरेका छन् ।
यसैबीच भारतको उत्तरप्रदेश सरकारका मन्त्री कमला रानी वरुणको कोरोना संक्रमणकै कारण मृत्यु भएको छ ।
आइतबार बिहान कमला रानीको मृत्यु भएको थियो । उनी १८ जुलाईदेखि कोरोना संक्रमित भएकी थिइन ।
भारतका प्रधानमन्त्री नरेन्द्र मोदीले कमला रानीको मृत्युप्रति दुःख व्यक्त गरेका छन् । सामाजिक सेवामा समर्पित रानीले उत्तरप्रदेशमा भाजपालाई मजबुत बनाउन महत्वपूर्ण भूमिका खेलेको मोदीले बताएका छन् ।
उत्तरप्रदेशका मुख्यमन्त्री योगी आदित्यनाथले पनि मन्त्री कमला रानीको निधनप्रति गहिरो दुःख जताएका छन ।
प्रतिक्रिया