काठमाडौं । मनसुनी न्युन चापीय रेखा हाल नेपालभन्दा दक्षिण तर्फ रहेको छ ।
प्रदेश नं २ र प्रदेश नं ५ का केहि भु–भागहरुमा आंशिक बदली रहेको छ भने बांकी भु–भागहरुमा समान्य देखि पूर्ण बदली रहेको छ। बागमती प्रदेश, गण्डकी प्रदेश, प्रदेश नं ५,कर्णाली प्रदेश र सुदुरपश्चिम प्रदेशका केही स्थानहरूमा बर्षा भईरहेको जल तथा मौसम विज्ञान विभागले जनाएको छ ।
आज रातीबाट मनसुनी न्यून चापीय रेखा नेपालको तराई भू–भाग नजिक सर्ने सम्भावना देखिएकाले दुई, तीन दिनसम्म नेपालमा मनसुन सक्रिय भै देशका धेरैजसो स्थानहरुमा हल्कादेखि मध्यम बर्षा र केही स्थानहरुमा भारी वर्षा हुने संम्भावना रहेकोले आवश्यक सतर्कता अपनाउन विभागले आग्रह गरेको छ ।
आज विहान ३ बजे मापन गरिएको तथ्यांक अनुसार पछिल्लो ३ घण्टा कास्कीको लुम्ले र आसपासका क्षेत्रमा भारी बर्षा भएको र अझै वर्षाको सम्भावना रहेकाले त्यस क्षेत्रका साना खोलामा आकस्मिक बाढी आउनसक्ने र कमजोर तथा भीरालो जमिनमा पहिरो जानसक्ने भन्दै सतर्कता अपनाउन विभागले चेतावनी जारी गरेको छ ।
त्यसैगरी आज विहान २ बजे मापन गरिएको रेकर्ड अनुसार पछिल्लो ३ घण्टा बाह्रबिसे र आसपासका क्षेत्रमा भारी बर्षा भएको र अझै वर्षाको सम्भावना रहेकाले त्यस क्षेत्रका साना खोलामा आकस्मिक बाढी आउनसक्ने र कमजोर तथा भीरालो जमिनमा पहिरो जानसक्ने भन्दै सतर्कता अपनाउन जल तथा मौसम विज्ञान विभागले आग्रह गरेको छ ।
आज दिउँसो देशभर सामान्य बदली रही केहि स्थानहरुमा मेघगर्जन र चट्याङसहित हल्कादेखि मध्यम वर्षाको सम्भावना रहेको छ । प्रदेश १, बागमती प्रदेश, गण्डकी प्रदेश र सुदुरपश्चिम प्रदेशका एक, दुई स्थानहरुमा भारी वर्षाको समेत सम्भावना रहेको विभागले जनाएको छ ।
आज राती देशका अधिकांश भू–भागमा सामान्यदेखि पूर्ण वदली रही धेरै स्थानहरुमा मेघगर्जन र चट्याङसहित हल्कादेखि मध्यम वर्षाको सम्भावना रहेको छ ।
प्रदेश नं १, प्रदेश नं २, बाग्मती प्रदेश र गण्डकी प्रदेशका केही स्थानहरूमा भारी वर्षाको समेत सम्भावना रहेको जल तथा मौसम विज्ञान विभागले जनाएको छ ।
प्रतिक्रिया