बालुवाटार बैठक निस्कर्षबिहीन, छानबिन समितिको टीओआरमा भएन सहमति

काठमाडौंं । संसदमा प्रमुख प्रतिपक्षी कांग्रेसले गरिरहेको अवरोध हटाउन प्रधानमन्त्रीले गरेको प्रयास आज पनि असफल भएको छ ।

सहकारी ठगीमा गृहमन्त्री रवि लामिछानेमािथ छानबिन गर्नुपर्ने अडानसहित सदन अवरुद्ध गर्दै आएको कांग्रेससँग सहमति खोज्न प्रधानमन्त्री प्रचण्डले बोलाएको बैठक निस्कर्षबिहीन बनेको हो । बैठकमा मुख्य दलका शीर्ष नेताहरुसहित कार्यदल सदस्यहरु सहभागी थिए । प्रधानमन्त्रीले अलग अलग र संयुक्त छलफल गरे पनि सहमति नजुटेपछि पुनः आजसाँझ बस्ने गरी नेताहरु बाहिरिएका छन् ।

सहकारी छानबिन समितिको कार्यदेशका विषयमा दलहरुबीच कुरा मिल्न सकेको छैन । तर प्रधानमन्त्रीले आजै दिउँसो पनि कांग्रेस सभापति शेरबहादुर देउवासँग अलग्गै छलफल गर्ने छन् ।