काठमाडौँ । प्रहरीले सहकारीको रकम अपचलनमा मुछिएका पूर्वगृहमन्त्री रवि लामिछानेलाई पक्राउ गर्न कास्की जिल्ला अदालतबाट अनुमति लिएको छ।
कास्की जिल्ला अदालतका न्यायाधीश कृष्णजंग शाहको इजलासबाट प्रहरीले लामिछानेलाई पक्राउ गर्ने अनुमति लिएको हो। आइतबार प्रहरीले सहकारी रकम अपचलन प्रकरणमा अनुसनधान गर्न लामिछानेलाई पक्राउ गर्न अनुमतिका लागि अदालतमा निवेदन दिएको थियो ।
पोखराको सूर्यर्दशन सहकारीको रकम गैरकानुनी रुपमा गोरखा मिडिया नेटवर्कमा ल्याएपछि लामिछानेमाथि अनुसन्धान गर्न संसदीय छानबिन समितिको प्रतिवेदनका आधारमा प्रतिनिनिधिसभाले निर्देशन दिएको छ।
उक्त निर्देशन कार्यान्वयन गर्न सरकारले लामिछानेलाई पक्राउ गर्न अदालतबाट अनुमति लिएको हो। आजै गृहमन्त्री रमेश लेखकले पनि प्रहरीलाई संसदीय छानबिन समितिको प्रतिवेदन कार्यान्वयन गर्न निर्देशन दिएका थिए ।
प्रतिक्रिया