पोखरा । लगातारको वर्षासँगै पोखरा महानगरपालिका–३३ बरमाझथरस्थित कटुजे पँधेरो पहिरोका कारण पुरिएपछि सर्वसाधारण समस्यामा परेका छन् ।
असारको पहिलो साता पानीको मुहानमा गएको पहिरोले खानेपानीको स्रोत नै थुनेको र त्यसयताको लगातारको बाढीले पटकपटक क्षति पु¥याएपछि स्थानीयलाई खानेपानीको आपूर्तिमा समस्या भएको हो ।
परापूर्वकालदेखि कटुजे पँधेराको पानी पाण्डेबारी, माझथर, हुँडिकोट, मासबारीलगायत स्थानका ६० भन्दा बढी घरधुरीले उपयोग गर्दै आएको स्थानीयवासी एवम् शिशुकल्याण माध्यमिक विद्यालय भरतपोखरीका शिक्षक सुदन पौडेलले जानकारी दिए ।
कटुजेमा उपल्लो र तल्लो गरी पानीका दुई मुहान रहेकामा दुई वटै पहिराले पुरेको अर्का स्थानीयवासी एवम् चण्डी माविका शिक्षक कमलप्रसाद पौडेलले जानकारी दिए।
पँधेरामा भएको क्षतिबारे स्थानीय तहमा जानकारी गराइसकिएको उल्लेख गर्दै उहाँले यथाशक्य चाँडो पहिरो पन्छाएर खानेपानी आपूर्ति पुनः सञ्चालन गर्नुपर्ने बताउनुभयो ।
प्रतिक्रिया