काठमाडौं । सरकारले विभिन्न सात जिल्लाका प्रमुख जिल्ला अधिकारीहरुसहित केहि सहसचिव र उपसचिवहरुको सरुवा गरेको छ ।
गृहमन्त्रालयले विभिन्न ७ जिल्लाका प्रमुख जिल्ला अधिकारीसहित १६ जना सहसचिव र उपसचिवहरुको सरुवा तथा पदस्थापना गरेको छ ।
गृह मन्त्रालयमा कार्यरत केही सहसचिव र उपसचिवहरुलाई प्रमुख जिल्ला अधिकारी बनाएर जिल्लामा पठाइएको हो ।
मन्त्रालयका अनुसार गृह मन्त्रालयका सहायक प्रवक्ता उमाकान्त अधिकारी म्याग्दीमा प्रजिअ बनेका छन् भने गृहमा कार्यरत सन्तबहादुर सुनारलाई दैलेखको प्रजिअ बनाइएको छ ।
सहसचिव उमेश बस्नेत रौतहटका प्रजिअ बनेका छन् ।
मन्त्रालयले मुस्ताङमा हिरादेवी पौडेल , प्यूठानमा खिमराज भुसाल, मनाङमा ध्रुव गिरी र रुकुम पूर्वमा राजकुमार राईलाई प्रजिअमा सरुवा गरेको छ ।
अन्य १६ जना उपसचिव र सहसचिवहरुको पनि सरुवा र पदस्थापन गरिएको छ । मन्त्रलयले ३ जना सहसचिवको काज सरुवा गरेको छ भने २ जना उपसचिवको पदस्थापन र ३ जना उप सचिवको सरुवा गरेको छ ।
प्रतिक्रिया