काठमाडौं । नेकपा (एमाले)ले बजेटको पक्षमा मतदान गर्न आफ्ना सबै सांसदहरुलाई ह्वीप जारी गरेका छ ।
एमाले प्रमुख सचेतक महेश बर्तौलाले सबै सांसदलाई संसदमा अनिवार्य उपस्थित भएर बजेटका पक्षमा मतदान गर्न ह्विप जारी गरेका हुन् ।
प्रतिनिधिसभाको मंगलबार बिहान ११ बजे बस्ने बैठकमा आगामी आर्थिक वर्षको बजेट पारित गर्ने कार्यसूची रहेको छ ।
ह्वीपमा भनिएको छ, ‘आज बस्ने प्रतिनिधिसभा बैठकमा आर्थिक वर्ष २०८१/०८२ को बजेटलाई निर्णयार्थ पेश गर्ने कार्यसूची रहेकोले बैठकमा अनिवार्य उपस्थित भई बजेटको पक्षमा मतदान गर्न एमालेका सांसदहरूलाई ह्विप जारी गरिएको जानकारी गराउँदछु ।’
सरकारले गत जेठ १५ गते १८ खर्ब ६० अर्बको बजेट प्रस्तुत गरेको थियो।
प्रतिक्रिया