बाँकेमा ५ केजी अफिम सहित २ जना पक्राउ

नेपालगन्ज । बाँके प्रहरीले लागु औषध अफिम सहित २ जनालाई पक्राउ गरेको छ । प्रहरीले बाँके कोहलपुर १४ हवल्दारपुर
ह्याप्पि वोल्ड फन पार्क अगाडीबाट २ जनालाई अफिम सहित पक्राउ गरेको हो ।

पक्राउ पर्नेमा जाजरकोट शिवालय ७ भिउस घर भई हाल बर्दिया बांसगढि ९ माछागढ बस्ने ५५ वर्षिय राम बहादुर शाही र जाजरकोट बारेकोट ८ सेपुखोला बस्ने ३५ वर्षिय पुर्ण बहादुर बिक रहेका छन् । ईलाका प्रहरी कार्यालय कोहलपुरबाट खटिएको प्रहरी टोलिले शंका लागि चेकजाचँ गर्दा पुर्ण बहादुर बिकले पछाडि बोकेको कालो झोलामा ५ केजी ८६५ ग्राम अफिम फेला परेको प्रहरीले जनाएको छ । प्रहरीले सोही स्थानमा रोकी राखेको राम बहादुर शाहीको कर्णाली प्रदेश०२(००२ प ११८६ नम्बरको मोटरसाईकल सहित फेला पारी बरामद गरेको बाँके प्रहरी प्रवक्ता नारायण डाँगीले बताए ।

पक्राउ परेका दुबैजनालाई जिल्ला अदालबाट दिन ५ म्याद थप अनुमती लिई थप अनुसन्धान एवं कारवाही प्रक्रिया अगाडी बढाईएको प्रहरीले जनाएको छ ।