काठमाडौं । नेपालमा पछिल्ला केहिदिन यता कोरोना भाइरसका संक्रमित तिब्र गतिमा बढिरहेका छन् । संक्रमित बढेसँगै मृत्यु हुनेको संख्या पनि रफ्तारमै बढ्दै गएको छ ।
पछिल्लो २४ घण्टामा कोरोना भाइरसका ४८४ जना नयाँ संक्रमित थपिएको स्वास्थ्य तथा जनसंख्या मन्त्रालयले जनाएको छ ।
१० हजार ४८१ जनामा गरिएको पीसीआर परीक्षणमा ४८४ जना संक्रमित थपिएको मन्त्रालयका प्रवक्ता प्राडा. जागेश्वर गौतमले जानकारी दिए ।
सबैभन्दा धेरै काठमाडौं उपत्यकामै थपिएका छन् । काठमाडौंमा मात्रै १०९ जना थपिएका छन् भने ललितपुरमा २१ जना र भक्तपुरमा ८ जना संक्रमित थपिएका छन् ।
डिस्चार्ज हुनेको संख्या हालसम्म १६ हजार ७२८ पुगेको छ । पछिल्लो २४ घण्टामा जम्मा ६४ जना संक्रमित निको भएर घर फर्किका छन् । यो ६८ दशमलव ४ प्रतिशत हो ।
यसैगरी, देशभरका क्वारेन्टिनमा बस्नेहरुको संख्या पनि बढेको छ । बुधबार १४ हजार ८४६ जना व्यक्तिहरु क्वारेन्टिनमा रहेका छन् ।
प्रतिक्रिया