थपिए कर्णाली प्रदेशमा ५ जना संक्रमित , प्रदेशमा संक्रमितको संख्या २०५७

सुर्खेत । पछिल्लो २४ घण्टामा कर्णाली प्रदेशमा ५ जना कोरोना संक्रमित थपिएका छन् ।

कर्णाली प्रदेशमा रहेका बिभिन्न प्रयोगशालामा गरिएको पीसीआर परीक्षणबाट ५ जना नयाँ सक्रमित थपिएका हुन् । उनीहरुको सुर्खेतस्थित प्रदेश अस्पताल, पशुपन्छी रोग अन्वेषण प्रयोगशाला, कर्णाली स्वास्थ्य विज्ञान प्रतिष्ठान जुम्ला र दैलेख अस्पताल प्रयोगशालामा पीसीआर परीक्षण गरिएको थियो ।

शुक्रबार थपिएका संक्रमितमध्ये दैलेखका तीन जना, जुम्ला र सल्यानका एक । एक जना रहेको कर्णाली प्रदेश सरकारको सामाजिक विकास मन्त्रालयले जनाएको छ । शुक्रबार थपिएको ५ जना समेत कर्णाली प्रदेशमा कोरोना संक्रमितको संख्या २०५७ पुगेको छ ।

कर्णालीमा शुक्रबार नै सात जना कोरोना संक्रमणबाट मुक्त भएर डिस्चार्ज भएका छन् । प्रदेशमा डिस्चार्ज हुनेको संख्या १९०८ पुगेको मन्त्रालयको स्वास्थ्य महाशाखाले जनाएको छ । कर्णालीमा ६ जना कोरोना संक्रमितको मृत्यु भएको छ भने १४३ जना आइसोलेसनमा रहेका छन् ।