गण्डकीमा थपिए १० नयाँ संक्रमित, जम्मा संक्रमितको संख्या १ हजार ६९२

पोखरा । गण्डकी प्रदेशमा कोरोना भाइरसका १० जना संक्रमित थपिएका छन् ।

स्वास्थ्य निर्देशनालयले शनिबार बिहान जारी गरेको नयाँ तथ्याङ्क अनुसार प्रदेशमा ६ जिल्लामा १० जना संक्रमित थपिएका हुन् । जसमध्ये कास्कीमा तीन जना संक्रमित थपिएका छन् ।

यस्तै, तनहुँ र बागलुङमा दुई दुई जना संक्रमित थपिएका छन् भने स्याङ्जा, गोरखा र पूर्वी नवलपरासीमा एक एक जना थपिएछन् ।

यससँगै, गण्डकी प्रदेशमा कोरोना संक्रमितको संख्या १ हजार ६९२ पुगेको छ ।