कपिलवस्तुकी कोरोना संक्रमित महिलाको कोरोना बिशेष अस्पताल बुटवलमा मृत्यु

बुटवल । रुपन्देहीमा थप १ जना कोरोना संक्रमितको मृत्यु भएको छ । कपिलवस्तुबाट उपचारका लागि कोरोना बिशेष अस्पतालमा भर्ना भएकी ६० वर्षिया महिलाको आज बिहान मृत्यु भएको लुम्बिनी प्रादेशिक अस्पतालले जनाएको छ ।

कपिलवस्तु नगरपालिका ११ की महिला संक्रमण पुष्टि भएपछि भाद्र ७ गते कोरोना बिशेष अस्पतालमा भर्ना भएकी थिईन् । उनलाई भेनिटलेटरमा राखेर उपचार चलिरहेको थियो । उपचाररत महिलाको बिहान ९ः१५मा मृत्यु भएको अस्पतालका प्रवक्त डा. बिष्णु गौतमले बताए । मृतक महिलामा पहिले देखिनै श्वास प्रश्वास र ब्लड प्रेसरको रोग रहेको अस्पतालले प्रकाशन गरेको बिज्ञप्तिमा उल्लेख गरिएको छ ।

मंगलबार राती नै भैरहवाको भिम अस्पतालमा नवलपरासीबाट उपचारका लागि पुगेका अर्को संक्रमितको मृत्यु भएको थियो ।