काठमाडौं । अर्थमन्त्री डा. युवराज खतिवडाले राजीनामा दिएका छन् ।
अर्थमन्त्री खतिवडाले प्रधानमन्त्री केपी शर्मा ओलीलाई आफ्नो राजिनामापत्र बुझाएका छन् । राजीनामा बुझाउनुअघि खतिवडाले अर्थ मन्त्रालयमा आयोजित बिदाई कार्यक्रममा सहभागी भएका थिए । त्यसक्रममा खतिवडाले सामुहिक फोटो समेत खिचाएका छन् ।
त्यसक्रममा मन्त्री खतिवडाले वित्तीय संघीयता कार्यान्वयनको चूनौतीपूर्ण जग बसाल्न सफल भएको प्रतिक्रिया दिएका छन् । आफुले बसालेको जगलाई अब आउने अर्थमन्त्रीले अगाडि बढाउने उनले विश्वास व्यक्त गरे ।
वित्तीय संघीयतामा शून्यबाट अगाडि बढेको र आधार बनाउनु पर्ने समय भएकाले अझै बढी चुनौती कायमै रहेको अर्थमन्त्री खतिवडाले बताएका थिए ।
मन्त्री खतिवडाले सामुहिक तस्विर खिचाएर अर्थ मन्त्रालयबाट औपचारिक रुपमा विदा भएका छन्।
राष्ट्रिय सभमा राष्ट्रपतिबाट मनोनित भएका खतिवडा गोलाप्रथामा दुई वर्षका लागि मात्र सांसद छनौट भएका थिए । उनको सांसद पद गत फागुन २१ गते सकिएका थियो । त्यसपछि ६ महिना सांसद विना पनि पुनः नियुक्ति पाएर खतिवडाले अर्थमन्त्रालयको पद सम्हालेका थिए । त्यसलगत्तै उनले सूचना तथा सञ्चार प्रविधि मन्त्रालयको समेत कार्यभार सम्हालेका थिए । खतिवडा सरकारका प्रवक्ता समेत रहेका थिए ।
मन्त्री खतिवडालाई सूचना तथा प्रविधि मन्त्रालयबाट पनि विदाई गरिएको छ । मन्त्रालयमा आयोजित विदाई कार्यक्रममा खतिवडाले सूचना, सञ्चार, विज्ञापनआदिबारे आफुनो सामान्य जानकारी रहेपनि अनेपेक्षित आइपरेको जिम्मेवारी सम्हाल्नुपरेको बताएका थिए ।
प्रतिक्रिया