नेपालगन्ज । नेपालगन्जको पहिलो ५ तारे होटलकारुपमा रहेको सोल्टी वेस्टेन्ट प्रिमियरले आफ्नो स्थापनाको छैठौं स्थापन दिवस मनाएको छ । १६ अप्रिल २०१९ मा संचालनमा आएको सोल्टीले स्थापना भएदेखि पहिलो पटक छठौं स्थापन दिवस (वार्षिकोत्सव) मनाएको हो ।
सोल्टी होटलका आन्तरिक कर्मचारी परिवारको उपस्थितीमा आयोजना गरिएको वार्षिकोत्सवमा कर्मचारीहरुको स्तरबृद्धिका साथै वार्षिक बोनस वितरण गरिएको छ । उत्कृष्ट कर्मचारीहरुलाई सम्मान गरिनुका साथै असल काम गर्ने कर्मचारीको तलवमान र स्तरबृद्धि गरिएको होटलले जनाएको छ । वर्ष उत्कृष्ट कर्मचारी, उत्कृष्ट महिना कर्मचारी तथा बिधागत उत्कष्ट कर्मचारीहरुलाई कार्यक्रममा पुरस्कृत गरिएको थियो ।
वार्षिकोत्सव समारोहमा बोल्दै सोल्टी वेस्टेन्ट प्रिमियर नेपालगन्जमा महाप्रबन्धक राजविक्रम शाहले कर्मचारीहरुको दक्षता र लगनशीलताले होटलले हरेकदिन सफलता पाउँदै गएको बताए । उनले कर्मचारीहरुको सेवाभाव र आन्तरिक आत्मविश्वासलाई अझै माथि उठाउन होटलले बिभिन्न कार्यक्रमहरु गर्दै आएको बताए । यसअघि कोभिड लगायतका कारण वार्षिकोत्सव मनाउन नसकिएको जनाउँदै उनले आगामी वर्षदेखि नियमित स्थापना दिवस मनाउने प्रतिबद्धता जनाए । सो अवसरमा उनले सन २०२४ को बोनस घोषणा गरेका थिए ।
सोल्टी वेस्टेन्ट प्रिमियरले आन्तरिक प्रतिस्पर्धाका आधारमा उत्कृष्ट कर्मचारी छनौट गर्ने गरेको महाप्रबन्धक शाहले बताए । उत्कृष्ट वर्ष कर्मचारीको मनोनयनमा परेका कर्मचारीहरुलाई होटलका सम्पूर्ण कर्मचारीहरुले गोप्य मतदान गरेर छनौट गरेका थिए ।
समारोहमा कर्मचारीहरुले बिबिध सांस्कृतिक कार्यक्रम प्रस्तुत गरेका थिए । होटलका बिभागिय प्रमुखहरुले कार्यक्रममा शुभकामना मन्तब्य दिँदै होटललाई अझै उँचाईमा पुर्याउने प्रतिबद्धता ब्यक्त गरका थिए ।
सोल्टी समुहले नेपालगन्ज सहित काठमाडौं, इटहरि, जनकपुर, चितवन, भैरहवा, नगरकोटमा गरि ७ वटा होटल र रिसोर्ट संचालन गरिरहेको छ ।
सोल्टी वेस्टेन्ड प्रिमियर, नेपालको पहिलो ऊर्जा र वातावरणीय डिजाइनमा हरित भवन मूल्याङ्कन प्रणाली प्रमाणित होटल हो । नेपालगञ्जमा वेस्टेन्ड प्रिमियरले स्थानीय, अन्तर्राष्ट्रिय आगन्तुक पर्यटकहरुलाई गुणस्तरिय सेवा दिँदै आएको छ । ३७ कट्ठा बढी क्षेत्रफलमा रहेको होटलले स्वीट सहित ८० वटा सुबिधासम्पन्न कोठाहरु, कार्यक्रम हल, स्पा, क्लव सहित क्यासिनोबाट सेवा दिँदै आएको छ । होटलको आजकै दिन ६ वर्ष अघि तत्कालिन प्रधानमन्त्री केपी शर्मा ओलीले उदघाटन गरेका थिए ।
प्रतिक्रिया