पाल्पा । पाल्पाको बगनासकालीमा भएको सवारी दुर्घटनाबाट एक किशोरीको मृत्यु भएको छ । मृत्यु हुनेमा स्याङ्जा कालिगण्डकी १ की अन्दाजी १७/१८ वर्षिया एलीसा सारु रहेको प्रहरीले जनाएको छ ।
आज साँझ अन्दाजी ८ बजेको समयमा पाल्पा बगनासकाली ४ मलेड स्थित भित्री कच्ची सडक खण्डमा तानसेनबाट भालेवास तर्फ जाँदै गरेको लु १ ज १७२४ नम्बरको जिप उकालोमा अचानक ब्रेक फेल भई सडकमा पल्टिएको थियो । जिपमा सवार चालक सहित ९ जना सवार मध्य सारुको घटना स्थलमै मृत्यु भएको तथा सोही जिपमा सवार जिल्ला पाल्पा बगनासकाली ४ भालेबास निता दर्लामी गम्भीर घाइते भएको प्रहरीले जानकारी दिएको छ । घाइते दर्लामीलाई उपचारका लागि लुम्बिनी मेडिकल कलेज प्रभास पठाइएको पाल्पा प्रहरी प्रवक्ता डीएसपी सुनिल मल्लले बताए ।
प्रहरीका अनुसार चालक प्रहरीको नियन्त्रणमा रहेको तथा जिपमा सवार अन्य यात्रुहरुको अवस्था सामान्य रहेको छ । घटना सम्बन्धि थप अनुसन्न्धान भइरहेको प्रहरीले जनाएको छ ।
प्रतिक्रिया