काठमाडौं । चैत १५ गते काठमाडौंको तीनकुनेमा भएको हिंसात्मक घटनामा संलग्न भएको आरोपमा सरकारी वकिल कार्यालय काठमाडौंले ६१ जनाविरूद्ध मुद्दा चलाउन अदालतमा मुद्दा लगेको छ।
जिल्ला सरकारी वकिल कार्यालयले आइतबार जिल्ला अदालत काठमाडौंमा मुद्दा दर्ता गर्न लागेको हो । राप्रपाका वरिष्ठ उपाध्यक्ष रवीन्द्र मिश्र एवं महामन्त्री धवल शमशेर जवरा, दुर्गा प्रसाईं लगायत ६१ जना विरुद्ध मुद्दा दर्ता गर्न लागिएको हो । यस्तै ४ जना नावालक विरुद्ध सोमबार बाल अदालतमा मुद्दा दर्ता हुनेभएको छ ।
मिश्र र शमशेर विरुद्ध राजद्रोहमा मुद्दा दर्ता हुने भएको छ । प्रसाईंसहित आठ जनाविरूद्ध कर्तव्य ज्यान, ज्यान मार्ने उद्योगमा मुद्दा दर्ता हुनेभएको छ । ६१ जनामध्ये ५० जनाविरूद्ध राजद्रोहको र ११ जनाविरूद्ध आपराधिक उपद्रव कसुरमा मुद्दा दर्ता हुन लागेको हो ।
जिल्ला प्रहरी परिसर काठमाडौंले सरकारी वकिललाई १०८ जनाविरूद्ध मुद्दा चलाउन राय दिएको थियो।
प्रतिक्रिया