राष्ट्र बैंकको निर्देशनपछि बैंक तथा वित्तीय संस्थाका शाखा खुला, राजस्व तिर्न ग्राहकको भीड

काठमाडौं । राजस्व तिर्न उपत्यकाका विभिन्न बैंक तथा वित्तीय संस्थाहरुमा बिहानैदेखि भीडभाड लागेको छ ।

नेपाल राष्ट्र बैंकले राजस्वत कारोबार गर्ने बैंकका शाखा तथा काउन्टरहरु मंगलबार, बुधबार र बिहीबार खोल्न निर्देशन दिएपछि ग्राहकहरुको भिडभाड बढेको हो ।

राष्ट्र बैंकको निर्देशन लगत्तै राजस्व कारोबार गर्ने बैंकका शाखा तथा काउन्टरहरु मंगलबारदेखि सुचारु रहेका छन् ।

निषेधाज्ञाका कारण लामोसमयदेखि राजस्व तिर्न नसकेका ग्राहकहरु बैंकको राजस्व कारोबार गर्ने बैंकका शाखा तथा काउन्टरहरुमा मंगलबार बिहानैदेखि भीडभाड लागेको हो ।

निषेधाज्ञाको बीचमा सीमित शाखामार्फत रोटेशनमा कारोबार संचालन गरेका बैंकमा राजस्व तिर्ने समय आउँदै गर्दा भीडभाड बढेको हो । यद्यपी, अझै पनि ग्राहकलाई निषेधाज्ञाको बीचमा हिँडडुल गर्न भने असुविधा नै छ ।

बैंकहरुले भीडभाडलाई व्यवस्थित बनाउन टोकन प्रणाली लगाएका छन् । स्यानिटाइजर प्रयोग भने यसअघि देखि नै हुँदै आएको थियो ।

राष्ट्र बैंकले नेपाल क्लियरिङ हाउस र क्लियरिङ सेवा दिने काउन्टरहरु पनि खुला गर्न निर्देशन दिइसकेको छ ।