काठमाडौं । नेपाल राष्ट्र बैंकले आवासीय कर्जाको सीमा वृद्धि गरेको छ। शुक्रबार गभर्नर विश्वनाथ पौडेलले सार्वजनिक गरेको आर्थिक वर्ष २०८२/८३ को मौद्रिक नीतिमार्फत आवास कर्जासम्बन्धी नयाँ व्यवस्था ल्याइएको हो।
नयाँ नीतिअनुसार अब व्यक्तिगत आवास निर्माण वा खरिदका लागि अधिकतम ३ करोड रुपैयाँसम्म ऋण लिन सकिनेछ। यसअघि उक्त सीमा २ करोड रुपैयाँ थियो।
राष्ट्र बैंकले पहिलो घर निर्माण वा खरिद गर्ने व्यक्तिको हकमा घरको कुल मूल्यको ८० प्रतिशतसम्म कर्जा दिन सकिने व्यवस्था गरेको छ। दोस्रो घर वा अन्य आवासीय प्रयोजनका लागि भने यो सीमा घटेर अधिकतम ७० प्रतिशतसम्म कायम गर्न सकिने छ।
यस निर्णयले आवास निर्माण तथा खरिद क्षेत्रलाई थप प्रोत्साहन दिने अपेक्षा गरिएको छ।
प्रतिक्रिया