काठमाडौं। नेकपा एमालेका पोलिटब्युरो बैठक बसिरहेको छ । च्यासल, ललितपुर स्थित केन्द्रीय कार्यालयमा उक्त बैठक बसेको हो ।
यसअघि बिहान ११ बजे बस्ने भनिए पनि अब बैठक १ मात्रै बोलाइए पनि थप ढिलो गरी बसेको हो ।
बिहीबारको बसेको सचिवालय बैठकले १५ पदाधिकारीसहित २५१ सदस्यीय केन्द्रीय कमिटीको प्रस्ताव पारित गरिसकेको छ ।
हिजोको सचिवालय बैठकले विधान संशोधन प्रस्ताव अनुसार ७० वर्षको उमेर हद र कार्यकारी पदमा २ कार्यकाल रहन पाउने व्यवस्था आगामी कार्यकालमा प्रभावित नहुने नीति बहुमत अल्पमतका आधारमा पारित गरेको थियो । यस विषयमा पोलिटब्यूरोमा थप गम्भीरताका साथ छलफल हुने वरिष्ठ उपाध्यक्ष ईश्वर पोखरेलले जनाएका छन् ।
साथै, पूर्वराष्ट्रपति विद्या भण्डारीलाई पार्टी कामको जिम्मेवारी दिने वा नदिनेबारे पनि आजको बैठकमा छलफल हुनेछ ।
प्रतिक्रिया