काठमाडौं । नेकपा (एमाले)का स्थायी कमिटी सदस्य कर्णबहादुर थापाले पूर्वराष्ट्रपति विद्यादेवी भण्डारीको राजनीतिक सक्रियता रोक्न नसकिने स्पष्ट पारेका छन्।
शनिबार काठमाडौंमा आयोजित एक अन्तर्क्रिया कार्यक्रममा बोल्दै उनले भण्डारीलाई सक्रिय हुन कसैको अनुमति आवश्यक नपर्ने बताए। थापाका अनुसार भण्डारी आफैंले योगदान दिएर निर्माण गरेको पार्टी भएकाले एमालेभित्र पुनः प्रवेशका लागि कसैको स्वीकृति चाहिँदैन।
भण्डारीको सदस्यतासम्बन्धी विषयमा पार्टीले गरेको निर्णय उल्टिने पनि उनले दाबी गरे । “जनताको अधिकार, समानता, स्वतन्त्रता र न्यायका लागि स्थापना भएको पार्टी एमालेभित्र भण्डारीलाई राजनीति गर्न नदिने कुरा असोभनीय हुन्छ,” उनले भने।
त्यस अवसरमा थापाले कसैलाई अपमानित गर्ने, तिरस्कार गर्ने वा लाञ्छना लगाउने प्रवृत्ति एमालेभित्र स्थान नपाउने स्पष्ट पारे।
प्रतिक्रिया