१० किलो अफिम सहित २ जना बाँके प्रहरीबाट पक्राउ

खबर कुरा
२९ भाद्र २०७७, सोमबार

नेपालगन्ज । बाँके प्रहरीले १० किलो अफिम सहित २ जनालाई पक्राउ गरेको छ । बाँकेको राप्ती सोनारी गाँउपालिकाको कुसुमबाट अफिम सहित २ जनालाई पक्राउ गरेको जिल्ला प्रहरी कार्यालय बाँकेले जनाएको छ ।

प्रहरीलाई प्राप्त गोप्य सुचनाका आधारमा दाङबाट कुसुम हुंदै नेपालगन्ज ल्याईंदै गरेको सो परिमाणको अफिम सहित रुकुम (पुर्व) पुथा उत्तरगंगा वडा नं. ८ वस्ने धन बहादर सेन र दाङ घोराही उप-महानगरपालिका वडा नं. १९ वस्ने वसन्त घर्ति मगरलाई प्रहरीले पक्राउ गरेको छ ।

शंकास्पदरुपमा हिंडिरहेका उनीहरुको खानतलासी गर्दा नर्थफेस लेखिएको झोलाबाट १० पोकामा प्याकिङ गरिएको अफिम फेला परेको जिल्ला प्रहरी कार्यालय बाँकेका प्रवक्ता डीएसपी सुवास खड्काले बताए ।

पक्राउ परेका दुईजनालाई लागु औषध ऐन बमोजिम कारवाही हुने प्रहरीले जनाएको छ ।

यसमा तपाइको मत

Your email address will not be published. Required fields are marked *


*