काठमाडौं । प्रधानमन्त्री केपी शर्मा ओलीले लाओ जनप्रजातान्त्रिक गणतन्त्रका राष्ट्रपति थोंगलुन सिसौलिथसँग भेटवार्ता गरेका छन् ।
शाङ्घाइ सहयोग सङ्गठन (एससीओ) प्लसको शिखर सम्मेलनमा सहभागी हुन चीन पुगेका ओलीले सोमबार बिहान सिसौलिथसँग दुई पक्षीय वार्ता गरेका हुन् ।
प्रधानमन्त्रीको निजी सचिवालयका अनुसार वार्तामा आपसी सहयोग र सम्बन्ध विस्तारका विषयमा छलफल भएको छ ।
यसअघि ओलीले चिनियाँ राष्ट्रपति सी जिनफिङ, भारतका प्रधानमन्त्री नरेन्द्र मोदीलगायत विभिन्न देशका राष्ट्रप्रमुख तथा सरकार प्रमुखहरूसँग पनि भेटवार्ता गरिसकेका छन् ।
प्रधानमन्त्री ओली सोमबारै एससीओ शिखर सम्मेलनलाई सम्बोधन गर्ने कार्यक्रम रहेको सचिवालयले जनाएको छ ।
प्रतिक्रिया