काठमाडौँ । कर्फ्यु आदेश जारी भएपछि पनि प्रदशैन नरोकिएपछि आदेश जारी गरिएको क्षेत्रमा कर्फ्यु आदेश कार्यान्वयन लागि सेना परिचालन गरिएको छ । जेन जीको प्रदर्शन नियन्त्रण गर्न जारी कर्फ्यु आदेश जारी भएपछि पनि प्रदर्शन नरोकिएपछि नयाँ बानेश्वर क्षेत्रमा सेना परिचालन गरिएको हो ।
काठमाडौँका प्रमुख जिल्ला अधिकारी छवि रिजालले नयाँ बानेश्वर क्षेत्रमा सेना परिचालन भइसकेको स्वीकार गरे । जेनजीको प्रदर्शन उग्र बनेको भन्दै स्थितिलाई नियन्त्रणमा लिन सोमबार मध्याह्न साढे १२ बजेदेखि राति १० बजे सम्मका लागि प्रशासनले कर्फ्यु आदेश जारी भएको हो ।
जिल्ला प्रशासन कार्यालयले जारी गरेको सूचना अनुसार नयाँ बानेश्वर चोकदेखि पश्चिम एभरेस्ट होटल हुँदै बिजुली बजारसम्म, बानेश्वर चोकदेखि पूर्वतर्फ मिन भवन, शान्तिनगर हुँदै तीनकुने चोकसम्म, बानेश्वरदेखि उत्तर आइप्लेक्स मल हुँदै रत्नराज्य माध्यमिक विद्यालयसम्म र बानेश्वर चोकदेखि दक्षिण शंखमुल ओरालो हुँदै शंखमुल पुलसम्म कर्फ्यु आदेश जारी गरिएको छ ।
प्रतिक्रिया