काठमाडौं । अन्य सवै पेशा व्यवासाय संचालन गर्न दिएपनि ब्युटी पार्लर र शैलुन सञ्चालन गर्न रोक लगाइएको भन्दै सम्वद्ध व्यवसायीहरुले प्रदर्शन गरेका छन् ।
व्युटि पार्लर र शैलुन व्यवसायीहरुले मंगलबार माइतीघर मण्डलामा प्रदर्शन गरेका हुन् ।
प्रदर्शनमा सौन्दर्य कला व्यवसायमा आबद्ध ललितपुर, भक्तपुर, काठमाडौं र काभ्रे गरि ४ जिल्लाका व्यवसायीहरु सहभागी भएका थिए ।
उनीहरुले सरकारले पेश व्यवसाय सञ्चालन गर्न अझै पनि रोक लगाउने हो भने आफुहरुलाई राहतको व्यवस्था गर्नुपर्ने माग गरेका छन् ।
ललितपुरको पाटनदेखि माइतीघर मण्डलासम्म गरिएको संयुक्त प्रदर्शनका सहभागीहरुले आफ्नो व्यवसायलाई सरकारले धरासायी बनाउन खोजेको आरोप लगाए ।
सरकारले कोरोना भाइरसको संक्रमण बढ्ने भयका कारण शैलुन र व्युटिपार्लर संचालनमा निषेध गर्दै आएको छ ।
प्रतिक्रिया