काठमाडौं । आश्विन शुक्ल द्वादशीका दिन पनि दशैंको टीका तथा आशीर्वाद लिने क्रम देशभर जारी छ । विजयादशमीका दिन नवदुर्गाको प्रसादस्वरूप टीका थाप्ने प्रथासँगै एकादशी र द्वादशीमा समेत मान्यजनकामा पुगेर टीका र आशीर्वाद लिने परम्परा कायम छ ।
नवरात्रको नौ दिनसम्म पूजा आराधना गरी देवी विसर्जन गरेपछि विजयादशमीका दिनदेखि टीका थाप्ने चलन सुरु हुन्छ । बिहीबार टीका लगाउन नभ्याएका श्रद्धालुहरूले कोजाग्रत पूर्णिमासम्म मान्यजनबाट टीका ग्रहण गर्न सक्ने व्यवस्था छ ।
पश्चिम नेपालका केही जिल्लामा भने विजयादशमीकै दिन मात्र दुर्गाको प्रसाद ग्रहण गर्ने परम्परा रहँदै आएको छ । तर उपत्यका तथा पूर्वीय क्षेत्रमा भने दशैं कोजाग्रत पूर्णिमासम्म मनाउने चलन छ ।
प्रतिक्रिया