काठमाडौं । नेपाली राष्ट्रिय महिला क्रिकेट टोलीले मलेसियासँगको टी-२० अन्तर्राष्ट्रिय सिरिजअन्तर्गत दोस्रो खेल आज (शनिबार) खेल्दैछ । पहिलो खेलमा तीन रनले पराजित भएको नेपालले आजको खेलमा जित निकाल्ने लक्ष्य राखेको छ ।
मलेसियाको बायुमास ओभलमा हुने खेल नेपाली समयअनुसार बिहान १०:१५ बजे सुरु हुनेछ । सोही मैदानमा बिहीबार भएको पहिलो खेलमा १०५ रनको लक्ष्य पछ्याउने क्रममा नेपाल २० ओभरमा पाँच विकेट गुमाउँदै १०१ रन मात्र बनाउन सक्दा तीन रनले हार व्यहोरेको थियो ।
नेपाल क्रिकेट संघ (क्यान) का अनुसार नेपालले मलेसियाविरुद्ध कुल पाँच वटा अन्तर्राष्ट्रिय खेल खेल्नेछ। बाँकी तीन खेल असोज १९, २१ र २२ गते हुनेछन् ।
इन्दु बर्माको कप्तानीमा रहेको नेपाली महिला टोलीले सिरिज सुरु हुनुअघि मलेसियामा तयारी खेलहरू खेलेको थियो ।
प्रतिक्रिया