धादिङको भल्टारमा बस र टिप्पर ठोक्किँदा ११ जना घाइते

धादिङ । पृथ्वी राजमार्गअन्तर्गत धादिङको भल्टारमा यात्रुबाहक बस र टिप्पर एकआपसमा ठोक्किँदा ११ जना घाइते भएका छन् ।

गल्छी गाउँपालिका–७ भल्टारमा नेपालगञ्जबाट काठमाडौं आउँदै गरेको लु १ ख ०७६६ नम्बरको बस र विपरीत दिशातर्फ जाँदै गरेको ना ८ ख २५९१ नम्बरको टिप्पर आपसमा ठोक्किँदा दुर्घटना भएको हो ।

दुर्घटनामा ११ जना घाइते भएको जिल्ला प्रहरी कार्यालय धादिङले जनाएको छ । घाइते हुनेमा सर्लाही कैलाली गोदावरी नगरपालिका–१० की २४ वर्षीया पवित्रा चौधरी, बर्दिया गुलरिया नगरपालिका–४ की २३ वर्षीया अनिसा भण्डारी, बाँके कोहलपुर नगरपालिका–३ की २३ वर्षीया सरस्वती मल्ल, २८ वर्षीया कविता वली, बाँके खजुरा गाउँपालिका–४ का ३५ वर्षीय सोमसिंह सुनार, मुगु कर्मारोङ गाउँपालिका–१ की २२ वर्षीया कोल्सुङ निमा, अछाम तुर्माखाँद गाउँपालिका–७ का २५ वर्षीय गणेश चलाउने, बागमती नगरपालिका–५ की ३६ वर्षीया सरु रावत क्षत्री, १६ वर्षीया प्रविसा रावत, सिन्धुलीकी २२ वर्षीया निर्मला घिसिङ (हाल काभ्रे पनौती) र काभ्रेका १७ वर्षीय कोनिकेश लो रहेका छन् । उनीहरुको स्थानीय स्वास्थ्य संस्थामा उपचार भइरहेको प्रहरीले जनाएको छ ।