काठमाडौं । स्पेनिस ला लिगा अन्तर्गत गएराति भएको खेलमा रियल म्याड्रिड र रायो भयकानो गोलरहित बराबरीमा रोकिएका छन् ।
पहिलो हाफमै आक्रमणमा हावी देखिएको रियलका राउल असेन्सियोले गरेको प्रहार गोलमा परिणत हुन सकेन । लगातार दबाब सिर्जना गरे पनि रायोको बलियो रक्षात्मक खेलका कारण रियलले गोल गर्न सकेन ।
भिनिसियस जुनियर र जुड बेलिङघमले पनि पाएका केही सुनौला अवसर गुमाएपछि घरेलु मैदानमा रियलले तीन अंकको सट्टा एक अंकमा सन्तोष मान्नुपर्यो ।
यो बराबरीसँगै शीर्ष स्थानमा रहेको रियल म्याड्रिडले तालिकामा पाँच अंकको अग्रता बढाउने मौका गुमाएको छ ।
प्रतिक्रिया