काठमाडौं । नयाँ राजनीतिक शक्ति प्रगतिशिल लोकतान्त्रिक पार्टी औपचारिक रूपमा घोषणा गरिएको छ । आइतबार काठमाडौंमा आयोजित विशेष समारोहमार्फत डा. बाबुराम भट्टराई नेतृत्वको नेपाल समाजवादी पार्टी (नयाँ शक्ति), जनार्दन शर्माको प्रगतिशिल राष्ट्रिय अभियान र राष्ट्रिय स्वतन्त्र पार्टी (रास्वपा) परित्याग गरेका सन्तोष परियार समूहबीचको एकतापछि नयाँ पार्टी सार्वजनिक गरिएको हो ।
कार्यक्रममा पार्टीको नाम पूर्वप्रधानमन्त्री डा. बाबुराम भट्टराईले घोषणा गरे । उनले पार्टीमा अभिभावकीय भूमिका निर्वाह गर्ने बताइएको छ। नयाँ पार्टीमा १५१ सदस्यीय केन्द्रीय समिति रहनेछ ।
नेतृ दुर्गा सोबको नाममा पार्टी निर्वाचन आयोगमा दर्ता भइसकेको छ । नयाँ पार्टीले प्रगतिशिल समाजवादलाई मार्गदर्शक सिद्धान्तका रूपमा लिएको छ भने यसको चुनाव चिन्ह ‘आँखा’ निर्धारण गरिएको छ ।
यसअघि कात्तिक २८ गते नेपाल समाजवादी पार्टी (नयाँ शक्ति), प्रगतिशिल राष्ट्रिय अभियान र रास्वपाबाट विद्रोह गरेका सन्तोष परियार समूहबीच एकता गर्ने सहमति भएको थियो । सोही सहमतिको औपचारिक रूप अहिले घोषणा गरिएको हो ।
प्रतिक्रिया