डेरी सञ्चालक प्रकाश एक महिनादेखि सम्पर्कविहीन

नेपालगन्ज । नेपालगन्ज उमहानगरपालिका वडा नम्बर १ विशालनगरमा दूध डेरी पसल सञ्चालन गर्दै आएका प्रकाश शर्मा (ढुंगाना) सम्पर्क विहिन भएका छन् । नेपालगन्ज विशालनगर चोकमा दूध डेरी सञ्चालन गर्दै आएका प्रकाश विगत १ महिना देखि सम्पर्क विहिन भएका हुन् ।

घरबाट कार्तिकको १८ गते उपचारको लागि भन्दै लखनऊ जान्छु भनी निस्किएका प्रकाश फर्केर नआएको उनका श्रीमती मीना अधिकारीले जानकारी दिइन् । ४८ वर्षीय प्रकाश लामो समय देखि दूध व्यवसाय गर्दै आएका थिए । बिहान सबेरै पसल खोलेर कारोबार गरी दिउँसो निस्किएका उनी आजसम्म फर्केर नआएका अधिकारीले बताइन् ।

लामो समय बाँकेको खजुरा मनकामना बस्ने विगत १७र१८ वर्ष देखि नेपालगन्जको सुर्खेत रोड स्थित भाडाको घरमा बस्दै आएका थिए । घरबाट निस्किंदा मोबाइल, घडी सबै सामान घरमै छाडेर निस्केकाले संपर्क विहिन हुनुमा घरपरिवारले बिभिन्न आशंका गरेका छन् ।