गोवा । भारतको गोवास्थित एक चर्चित नाइट क्लबमा भीषण आगलागी हुँदा २५ जनाको ज्यान गएको छ । तटीय क्षेत्रमा रहेको ‘बर्च बाई रोमियो लेन’ नामक क्लबमा शनिबार मध्यरात ग्यास सिलिन्डर विस्फोट भएपछि आगो फैलिएको भारतीय सञ्चारमाध्यम टाइम्स अफ इन्डिया को उद्धरण गर्दै जनाइएको छ ।
प्रहरीका अनुसार क्लबको भान्साको भागमा सिलिन्डर विस्फोटसँगै आगो नियन्त्रणबाहिर फैलिएको थियो । आगलागीका कारण क्लबका अधिकांश कर्मचारीको मृत्यु भएको छ भने केही पर्यटक पनि ज्यान गुमाउनेमा परेका छन् ।
गोवाका प्रहरी महानिर्देशक श्री आलोक कुमारका अनुसार आगो भुइँतल्लाको भान्सा क्षेत्रबाट सुरु भएको हो । प्रहरीले भान्सा वरपरबाट धेरै शव संकलन गरेको तथा उद्धार तथा अनुसन्धान कार्य जारी रहेको जनाएको छ ।
प्रतिक्रिया