उज्यालो नेपाल पार्टीले उठायो १२० स्थानमा उम्मेदवार

काठमाडौं । सरकार छाडेर उज्यालो नेपाली पार्टी (उनेपा) को नेतृत्व सम्हाल्न पुगेका कुलमान घिसिङले प्रतिनिधिसभा निर्वाचनमा प्रत्यक्षतर्फ १२० वटा निर्वाचन क्षेत्रमा उम्मेदवारी उठाएका छन् । बिभिन्न जिल्लामा दर्ता भएका उम्मेदवारीको विवरण आइनसकेकाले संख्या केही बढ्न सक्ने उनेपाले जनाएको छ ।

अहिलेसम्म १२० वटा निर्वाचन क्षेत्रको विवरण आएको र केही ठाउँको विवरण आउन बाँकी रहेको पार्टीका उपाध्यक्ष जितराम लामाले बताए ।

पार्टीका अध्यक्ष घिसिङले काठमाडौं क्षेत्र नम्बर ३ बाट उम्मेदवारी दिएका छन् भने उपाध्यक्ष लामाले भक्तपुर २ बाट उम्मेदवारी दिएका छन् ।

रास्वपासँग एकतामा सहमति गरेको उज्यालेले सहमति भएको १२ दिनमा सहमति तोडेर पछि एक्लै चुनाव लड्ने निर्णय गरेको हो । समानुपातिकमा भने उज्यालोले राष्ट्रिय परिवर्तन पार्टीको नामबाट उम्मेदवारी दिएको छ ।