नेपालगन्ज । आगामी फागुन २१ गते हुने प्रतिनिधिसभा सदस्य निर्वाचनलाई मध्यनजर गर्दै नेपाल पत्रकार महासंघ बाँकेले निर्वाचनमा निष्पक्ष, व्यवसायिक र जिम्मेवार पत्रकारिता प्रवर्द्धन गर्न मिडियाकर्मी तथा सञ्चारमाध्यमलाई आह्वान गरेको छ । शाखाको कार्यसमिति बैठकले निर्वाचनलाई लक्षित गर्दै जिम्मेवार पत्रकारिताका लागि मिडियाकर्मी तथा सञ्चारमाध्यमलाई आह्वान गरेको हो ।
बाँके शाखाका अध्यक्ष नवीन गिरीको अध्यक्षतामा बसेको वैठकले प्रेस स्वतन्त्रता सेनानी एवम् नेपाल पत्रकार महासंघ बाँकेका पूर्व अध्यक्ष स्वर्गीय पन्नालाल गुप्त ‘चाचा’ को छैठौँ स्मृति दिवसका अवसरमा माघ १५ गते ‘फेक’ समाचारलाई निरुत्साहित गर्ने उद्देश्यले ‘फ्याक्ट चेक–अन्तरसंवाद’ कार्यक्रम आयोजना गर्ने निर्णय गरिएको महासंघ बाँकेका सचिव कृष्ण ओलीले जानकारी दिए ।
यसैगरी बैठकले नेपाल प्रेस काउन्सिलका अध्यक्ष डा. कुमार शर्मा आचार्यको विशेष उपस्थितिमा यही माघ १९ गते नेपालगन्जमा ‘आमसञ्चार माध्यम र आचारसंहिता कार्यान्वयन’ विषयक अन्तरक्रिया कार्यक्रम आयोजना गर्ने निर्णय पनि गरेको छ ।
प्रतिक्रिया