काठमाडौं । नेपाली कांग्रेसका उपसभापति विश्वप्रकाश शर्माले २०६४ सालमा जनताले माओवादीलाई मत दिएर गल्ती गरेजस्तो गल्ती नगर्न मतदातालाई आह्वान गरेका छन् । शुक्रबार पोखरामा आयोजित कांग्रेसको चुनावी सभालाई सम्बोधन गर्दै उपसभापति शर्माले नयाँलाई खोज्दै गर्दा २०६४ मा माओवादीलाई मत दिएर गल्ती गरेजस्तो गल्ती नगर्न मतदातालाई आह्वान गरेका हुन् ।
नयाँ खोज्दै गर्दा २०६४ सालमा माओवादीलाई झन्डै झन्डै दुई तिहाइ दिएर संसदमा पुर्याएको स्मरण गर्दै शर्माल भने, ‘कतिपयलाई लागेको छ नयाँ खोजौँ । नयाँ खोज्दै गर्दा २०६४ सालमा माओवादीलाई झन्डै झन्डै दुई तिहाइ दिएर संसदमा पुर्यायो, नयाँलाई खोज्दै गर्दा यो देशले २०६४ सालमा जुन गल्ती गर्यो, त्यस्तै गल्ती गर्ने, या २०७० सालमा झैँ विवेक पुर्याउने छनोट गर्नुपर्ने बेला छ ।’
उनले नयाँ खोज्दा देशले निकास पाउँछ कि पाउँदैन भन्ने कुराको ख्याल राख्न मतदातासँग आग्रह गरे । ०६४ को नयाँले देशलाई बाटो नदिएपछि २०७०मा कांग्रेसलाई सबैभन्दा ठुलो दल बनाएपछि मात्रै देशले दुई वर्षमा संविधान पाएको उनले दाबी गरे ।
सिंहदरबारमा नेतृत्व गरेर २३ र २४ गतेपछिको आँधी हुरी तुफानलाई व्यवस्थित पारेर कसले साम्य पार्न सक्छ भन्ने मुल प्रश्न भएको उनले बताए ।
प्रतिक्रिया