बुटवल । पूर्व संविधानसभा सदस्य विनोद पहाडी नेकपा एमालेमा प्रवेश गरेका छन् ।
वि.सं. २०६४ सालमा नेकपा माओवादीको तर्फबाट समानुपातिक संविधानसभा सदस्य बनेका पहाडी शनिबार आयोजित एक कार्यक्रममा एमाले प्रवेश गरेका हुन् ।
उनलाई एमाले उपाध्यक्ष विष्णुप्रसाद पौडेल र पार्टी सचिव छबिलाल विश्वकर्माले पार्टीमा स्वागत गरे । नेपाली कम्युनिस्ट पार्टीका केन्द्रीय सदस्य समेत रहेका पहाडी पत्रकारिता क्षेत्रमा पनि सक्रिय थिए । उनी नेपाल पत्रकार महासंघ रूपन्देहीका पूर्व अध्यक्ष हुन् ।
पार्टी प्रवेशपछि उनले एमालेका उम्मेदवारलाई विजयी गराउन सक्रिय रूपमा लाग्ने प्रतिबद्धता व्यक्त गरेका छन् । उनले पार्टीको नीति, नेतृत्व र विकासको दृष्टिकोणबाट प्रभावित भएर एमालेमा प्रवेश गरेको बताए ।
प्रतिक्रिया