काठमाडौं । राष्ट्रिय स्वतन्त्र पार्टी (रास्वपा) का शीर्ष नेताहरूले नयाँ सरकार गठनका लागि आन्तरिक तयारी र छलफल तीव्र बनाएका छन् ।
निर्वाचन आयोग ले समानुपातिकतर्फ निर्वाचित सांसदलाई प्रमाणपत्र प्रदान गरी प्रतिनिधिसभा सदस्य निर्वाचनको अन्तिम प्रतिवेदन रामचन्द्र पौडेल समक्ष बुझाएपछि रास्वपाले सरकार गठनको तयारी अघि बढाएको हो ।
पार्टीले आगामी चैत १४ गते सरकार गठन गर्ने लक्ष्यसहित रणनीति बनाएको जनाएको छ । रास्वपा उपसभापति स्वर्णिम वाग्ले ले बिहीबार साँझ नयाँ सरकार गठनका लागि आन्तरिक तयारी सुरु भइसकेको जानकारी दिएका छन् ।
यसैबीच, संसद् सचिवालयले चैत १२ गते सबै नवनिर्वाचित सांसदलाई शपथ गराउने कार्यक्रम तय गरेको छ । त्यसको दुई दिनपछि, चैत १४ गते, रास्वपाका वरिष्ठ नेता बालेन्द्र साह लाई प्रधानमन्त्रीमा अघि सार्ने तयारी गरिएको स्रोतले जनाएको छ ।
यसअघि रास्वपाले बालेन्द्रलाई संसदीय दलको नेता बनाउन पार्टीको विधान संशोधन गर्नुपर्ने देखिएको छ । सोही प्रयोजनका लागि शनिबार पार्टीको बैठक बस्ने तयारी गरिएको छ ।
प्रतिक्रिया