नेपालगन्ज । अविरल रुपमा परेको वर्षाले नेपालगन्जमा मुस्लिम समुदायको महान पर्व इदको सामूहिक नमाज पढ्ने कार्य प्रभावित गरेको छ ।
ईदको अवसरमा नेपालगन्ज क्षेत्रका मुस्लिम समुदायले स्थानीय विपी चोकमा रहेको ईदगाहमा पुगेर हरेक वर्ष सामुहिक रुपमा नवाज पढ्ने गरेपनि आज बिहानैबाट परेकाृ वर्षाका कारण इदको नमाज प्रभावित बनेको होर्छन् । यसपटकको ईदमा शनिबार बिहानैदेखी वर्षा भएकाले मुस्लिम समुदायको न्युन उपस्थितिमा सामुहिक रूपमा नमाज पढिएको छ ।
वर्षाले प्रभावित गरेपछि दिउँसो अन्य मज्दिजहरुमा पनि सामुहिक नमाज पढ्ने ब्यवस्था मिलाइएको धर्मगुरुले बताएका छन । मुस्लिम समुदायले शनिबार देशभर विशेष नमाज पाठ गरी ईदुल फित्र पर्व मनाईरहेछन् ।
इद पर्बमा आफूभन्दा ठूलाबडाकहाँ गएर आशीर्वाद तथा आफूभन्दा सानालाई आशीर्वाद दिने गरिन्छ। आशीर्वाद लिन आउने आफन्तलाई सेवइ, खजुर लगायत मीठा खानेकुरा खान दिने चलन रहेको छ । खुशीपूर्वक गरिबलाई (जकात) दान गरिने भएकाले यो पर्वलाई इदुल फित्र भनिएको हो ।
अरबी पात्रोअनुसार नवौँ महिनाको अन्तिम दिन चन्द्रमा देखिएपछि इदुल फित्र मनाउने कार्यक्रम तय हुन्छ । एक महिना कठोर ब्रत(रोजा) बसेपछि महिनादिन पूरा भएको पहिलो चाँद हरेर पर्व मनाउने गरिन्छ । यो पर्बको अर्को उल्लेखनीय पक्ष गरिबलाई दान दिनु पनि हो ।
फोटो : आलम खान
प्रतिक्रिया