युद्धबारे ट्रम्पको दाबीप्रति इरानको प्रतिक्रियापछि कच्चा तेलको मूल्य फेरि बढेको छ ।
सोमबार ठूलो गिरावट आएपछि ब्रेन्ट क्रुडको मूल्य फेरि प्रति ब्यारेल १०० अमेरिकी डलरभन्दा माथि पुगेको छ।
मंगलबार बिहान एसियाली बजारमा ब्रेन्ट क्रुडको मूल्य ३.७५ प्रतिशतले बढेर १०३.६९ अमेरिकी डलर प्रति ब्यारेल पुगेको हो।
यसअघि सोमबार ब्रेन्ट क्रुडको मूल्य १० प्रतिशतभन्दा बढीले घटेको थियो। अमेरिकी राष्ट्रपति डोनाल्ड ट्रम्पले इरानमाथि हुने सम्भावित नयाँ आक्रमण स्थगित गरिएको घोषणा गरेपछि तेलको मूल्यमा गिरावट आएको थियो।
ट्रम्पले इरानसँग छिट्टै शान्ति सम्झौता हुन सक्ने पनि बताएका थिए।
तर पछि इरानले ट्रम्पका यी दाबीहरू अस्वीकार गरेको थियो । त्यसपछि अन्तर्राष्ट्रिय बजारमा कच्चा तेलको मूल्य फेरि बढ्न थालेको देखिएको छ।
प्रतिक्रिया