बुटवल । लायन्स क्लब अफ बुटवलको सम्पन्न अधिवेशनबाट आगामी कार्यकाल २०२६/२७ का लागि दिनेश कुमार प्रधानको अध्यक्षतामा नयाँ कार्यसमिति चयन गरिएको छ ।
बुटवलमा आयोजित कार्यसमिति निर्वाचन तथा भेटघाट कार्यक्रममार्फत १७ सदस्यीय नयाँ नेतृत्व चयन गरिएको हो । नवनिर्वाचित अध्यक्ष प्रधानले सचिवमा रामप्रसाद गैरे (विष्णु) र कोषाध्यक्षमा रिसव ओझालाई मनोनित गरेका छन् ।
लायन्स इन्टरनेशनल डिष्ट्रिक्ट ३२५ पी अन्तर्गत एरिया-४ मा पर्ने क्लबको नयाँ कार्यसमितिमा प्रथम उपाध्यक्ष रोशन कुमार श्रेष्ठ, द्वितीय उपाध्यक्ष श्याम प्रसाद देवकोटा र तृतीय उपाध्यक्ष आनन्द वझा चयन भएका छन् ।
त्यसैगरी सहसचिवमा ज्ञानेन्द्र कुमार श्रेष्ठ रहेका छन् भने निर्देशकहरूमा अनुसुधनलाल श्रेष्ठ, गोविन्द श्रेष्ठ, जीवन बाबु श्रेष्ठ, अनिल गंगोल, धर्मेन्द्र कसौधन, निरज लाकौल, सुमन श्रेष्ठ, विकास पालिखे र पवन कुमार श्रेष्ठ चयन भएका छन् । टेल ट्विस्टरमा प्रदीप शाक्य, टेमरमा अनिश कसौधन तथा मार्केटिङ तथा सञ्चार अधिकारीमा बासुदेव श्रेष्ठ चयन भएका छन् ।
निर्वाचन आयुक्तका रूपमा लायन महेश प्रसाद श्रेष्ठ, सचिव लायन उमेश अमात्य तथा अध्यक्ष प्रतीक पोख्रेलको भूमिकामा कार्यक्रम सम्पन्न भएको थियो । नवनिर्वाचित समितिले सामाजिक सेवा र सामुदायिक विकासका कार्यक्रमलाई थप प्रभावकारी बनाउने प्रतिबद्धता जनाएको छ ।
प्रतिक्रिया