काठमाडौं । संघीय संसद्को संसदीय सुनुवाइ समितिले प्रधानन्यायाधीशमा डा. मनोजकुमार शर्माको नाम अनुमोदन गरेलगत्तै मन्त्रिपरिषद् बैठक सिंहदरबारमा सुरु भएको छ ।
प्रधानमन्त्री वालेन्द्र शाहले बोलाएको बैठक प्रधानमन्त्री तथा मन्त्रिपरिषद्को कार्यालयमा जारी छ । बैठकले केही महत्वपूर्ण निर्णय गर्न सक्ने बताइएको छ ।
सरकार यतिबेला आगामी आर्थिक वर्षको बजेट निर्माण प्रक्रियामा जुटेकाले बैठकमा बजेट तयारी, समसामयिक राजनीतिक विषय तथा प्रशासनिक निर्णयबारे छलफल हुने अनुमान गरिएको छ ।
बैठक चलिरहँदा सिंहदरबारमै संघीय संसद्को बैठक पनि जारी छ । तर मंगलबारको प्रतिनिधिसभा बैठकमा प्रधानमन्त्री वालेन्द्र शाह र अर्थमन्त्री डा. स्वर्णिम वाग्ले दुवै अनुपस्थित रहेका छन् ।
प्रतिक्रिया