नेपालगन्ज । नेत्र चिकित्सक डा. प्रचण्ड गौतमले आफ्ने गृहपालिकाको सामुदायिक विद्यालयमा अध्यनरत गरिब, असाहय, अशक्त, अभिभावकविहीन विद्यार्थीहरुका लागि विद्यालय पोशाक प्रदान गरेका छन् ।
खजुरा गाँउपालिका वडा नं २ का स्थानीयबासी डा. गौतमले खजुरा ‘के’ गाँउ स्थित सामुदायिक विद्यालय शुक्र मध्यामिक विद्यालयमा अध्ययनरत गरिब, असाहय, अशक्त, अभिभावकविहीन तथा विशेष समस्याहरू भएका बालबालिकाहरूको शैक्षिक उन्नयनको कामना सहित पोशाक प्रदान गरेका हुन् । डा. गौतमले सोही विद्यालयका पूर्व विद्यार्थी समेत हुन् ।
आज एक कार्यक्रमका बीच डा. गौतमकी आमा महेश्वरी गौतममार्फत विद्यालय पोशाक विद्यालयलाई हस्तान्तरण गरिएको थियो । बाँकेका पुराना बाम नेता डा. बाबुराम गौतमका सुपुत्र डा. गौतमले नेपालगन्जमा भिजन आँखा अस्पताल मार्फत नेत्ररोगको उपचार प्रदान गर्दै आएका छन् ।
विद्यार्थीहरुका लागि पोशाक प्रदान गरेकोमा डा. गौतम प्रति शुक्र माध्यमिक विद्यालयले धन्यवाद प्रकट गरेको छ ।
प्रतिक्रिया