बुटवल । कोरोना भाइरस कोभिड-१९ को संक्रमणबाट बुटवलमा थप दुई जनाको मृत्यु भएको छ ।
कोरोना संक्रमणबाट नवलपरासीको सुनवल नगरपालिका ५ का ७६ बर्षीय पुरुष र बुटवल उपमहानगरपालिका ९ का ५५ बर्षीया महिलाको बुटवल कोरोना विशेष (अस्थायी) अस्पताल मृत्यु भएको हो ।
नवलपरासीका पुरुषको असोज १६ गते पिसिआर परिक्षपण गर्दा कोरोना पोजेटिभ देखिएपछि त्यहि दिन बुटवल कोरोना विशेष (अस्थायी) अस्पतालमा भर्ना भएका थिए ।
दम र उच्च रक्तचापका बिरामी समेत रहेका उनको २० गते राती १२:५० बजे मृत्यु भएको लुम्बिनी प्रादेशिक अस्पतालका सूचना अधिकारी डाक्टर विष्णु गौतमले जानकारी दिए ।
त्यस्तै बुटवल ९ की ५५ बर्षीया महिलाको असोज १७ गते पिसिआर परिक्षपण गर्दा कोरोना पोजेटिभ देखिएपछि सोही दिन अस्पताल भर्ना भएकी थिइन ।
सुख्खा खाकी र उच्च ज्वरो आएको उनको आज बिहान ५:३० बजे मृत्यु भएको डा.गौतमले जानकारी दिए ।
ती महिलामा कुनैपनि दिर्घरोग देखिएको छैन ।
यो संगै रुपन्देहीमा कोरोना भाइरसको संक्रमणबाट मृत्यु हुनेको संख्या ३१ पुगेको छ । त्यस मध्ये बुटवल कोरोना विशेष (अस्थायी) अस्पतालमा २६ जनाको मृत्यु भएको छ भने ५ जनाको लुम्बिनी प्रादेशिक अस्पतालमा मृत्यु भएको छ ।
प्रतिक्रिया