काठमाडौं । अख्तियार दुरुपयोग अनुसन्धान आयोगले राहदानी विभागका महानिर्देशक तीर्थराज अर्याललाई नियन्त्रणमा लिएको छ ।
विभागले पासपोर्ट खरिद तथा आपूर्ति प्रक्रियासम्बन्धी अनुसन्धानका क्रममा विभागका महानिर्देशक तीर्थराज अर्यालसहित चार जनालाई मंगलबार बिहान नियन्त्रणमा लिएर अनुसन्धान अघि बढाएको हो ।
पासपोर्ट खरिद तथा आपूर्तिसँग सम्बन्धित विषयमा अनुसन्धान भइरहेका बेला अख्तियारको टोलीले विभागबाट आवश्यक कागजात समेत नियन्त्रणमा लिएको जनाएको छ। पासपोर्ट खरिद प्रकरणमा अनुसन्धान गर्न अख्तियारले व्यवसायी सिद्धार्थ थापालाई पनि नियन्त्रणमा लिएको छ। सिद्धार्थ नेपाली कांग्रेसका राष्ट्रियसभा सदस्य सुनिल थापाका छोरा हुन्।
यसैगरी, विभागका प्रशासन तथा व्यवस्थापन शाखाका निर्देशक एवं प्रवक्ता सोमेश थापा तथा सूचना प्रविधि निर्देशक सुनिल कुमार केसीलाई पनि अख्तियारले नियन्त्रणमा लिएको छ ।
प्रतिक्रिया