बुटवल । बुटवल उपमहानगरपालिका-३ का वडाध्यक्ष विष्णु ढकाल पदमुक्त भएका छन् ।
माओवादी केन्द्रसँग आबद्ध रही नेपाली कांग्रेसको चुनाव चिन्हबाट वडाध्यक्षमा निर्वाचित भएका ढकालले दल त्याग गरेपछि पदमुक्त भएको निर्वाचन आयोगले जनाएको छ ।
निर्वाचन आयोगले सोमबार सूचना जारी गर्दै स्थानीय तह निर्वाचन ऐन तथा प्रचलित कानुनी व्यवस्थाअनुसार दल परित्याग गरेका जनप्रतिनिधिहरूको पद रिक्त भएको जानकारी दिएको हो ।
आयोगका अनुसार ढकालसँगै जुम्लाको गुठीचौर गाउँपालिकाका अध्यक्ष दानबहादुर बुढा तथा नवलपरासीको पाल्हीनन्दन गाउँपालिकाकी उपाध्यक्ष फातिमा खातुन पनि पदमुक्त भएका छन् ।
निर्वाचन आयोगले सम्बन्धित कानुनी प्रावधानअनुसार दल त्याग गरेका जनप्रतिनिधिहरूको पद स्वतः रिक्त हुने व्यवस्था बमोजिम उक्त निर्णय गरिएको जनाएको छ ।
यस निर्णयसँगै बुटवल-३ को वडाध्यक्ष पद रिक्त भएको छ भने रिक्त पद पूर्तिका लागि कानुनी प्रक्रिया अघि बढ्ने अपेक्षा गरिएको छ ।
प्रतिक्रिया