काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल प्रचण्ड र सहसंयोजक एवं पूर्वप्रधानमन्त्री माधवकुमार नेपालले नेपाली कांग्रेसका नेता डा. शेखर कोइरालासँग भेटवार्ता गरेका छन्।
प्रचण्ड र नेपाल शुक्रबार बिहान विराटनगरस्थित कोइराला निवास पुगेर कोइरालासँग भेटवार्ता गरेका हुन्। कोइरालाका स्वकीय सचिव दिनेशचन्द्र थपलियाका अनुसार भेटका क्रममा मुलुकको समसामयिक राजनीतिक अवस्था, वर्तमान सत्ता समीकरण तथा राष्ट्रिय सरोकारका विभिन्न विषयमा छलफल भएको थियो। यद्यपि, भेटमा भएका छलफलका विस्तृत विषयवस्तु सार्वजनिक गरिएको छैन।
पछिल्लो समय राजनीतिक दलहरूबीच बढ्दो संवाद र भेटघाटका क्रममा भएको यस भेटलाई राजनीतिक वृत्तमा अर्थपूर्ण रूपमा हेरिएको छ।
प्रतिक्रिया