बुटवल । आर्थिक वर्ष सुरुभएको ३ महिना पछि भेटनरी अस्पताल तथा पशु सेवा विज्ञ केन्द्र रुपन्देहीले आर्थिक बर्ष २०७७/०७८ को बार्षिक कार्यक्रम सार्वजनिक गरेको छ ।
भैरहवामा एक कार्यक्रमको आयोजना गरी विज्ञ केन्द्रले १५ करोड २ लाख ७८ हजार रुपैयाँ बराबरको कार्यक्रम सार्वजनिक गरेको हो ।
रुपन्देही जिल्ला र नवलपरासी(बर्दघाट सुस्ता पश्चिम) कार्यक्षेत्र क्षेत्र रहेको कार्यालयले कृषि उत्पादन, खाद्य तथा पोषण , स्मार्ट कृषि गाउँ, मत्स्य विकास तथा प्रर्वद्धन कार्यक्रम, अभियान मुखि(मिसन), पशुपंक्षि विकास तथा पशु स्वाथ्य कार्यक्रम, ससर्त अनुदान तर्फका कार्यक्रम गर्ने लक्ष्य सार्वजानिक गरेको छ ।
कार्यक्रममा बोल्दै विज्ञ केन्द्रका प्रमुख बरिष्ठ पशु विकास अधिकृत डा.प्रवेज आलमले कोभिडको कारण कार्यक्रम नियमित रुपमा सञ्चालन गर्न नसकीएको कार्यक्रमहरु यो बर्ष पुरा गर्ने लक्ष्य लिएको जानकारी दिए ।
जिल्ला संमन्वय समिति रुपन्देहीका प्रमुख एक राज विश्वकर्माले अवको कृषि भनेको उत्पादन मुखि, परिणाम मुखि हुनुपर्नेमा जोड दिए ।
प्रतिक्रिया