स्याङ्जाका ८१ वर्षीय कोरोना संक्रमितको पोखरामा मृत्यु

पोखरा । गण्डकी प्रदेशमा थप एक जना कोरोना संक्रमितको मृत्यु भएको छ।

प्रदेश स्वास्थ्य निर्देशनालय पोखराले शनिबार दिएको जानकारी अनुसार स्याङ्जाका एक र नवलपरासी पूर्वका एक जना संक्रमितको मृत्यु भएको हो।

स्याङ्जाको आँधीखोला–६ स्थायी ठेगाना भएका ८१ वर्षीय पुरुषको गण्डकी मेडिकल कलेज पोखरामा उपचारका क्रममा गय राति निधन भएको प्रदेश स्वास्थ्य निर्देशनालयका निर्देशक डा. विनोदविन्दु शर्माले जनाकारी दिए। शर्माका अनुसार ती पुरुषमा मिर्गौला, मुटु र पिसावसम्बन्धी समस्या थियो ।

योसँगै गण्डकी प्रदेशमा कोरोनाको संक्रमणबाट मृत्यु हुनेको संख्या ४० पुगेको छ।