काठमाडौं । म्यानचेस्टर सिटीले इंग्लिस प्रिमियर लिगमा आफ्नो विजयी यात्रा लगातार तेस्रो खेलसम्म कायम राखेको छ ।
शनिबार घरेलु मैदान इतिहाद रंगशालामा सिटीले कोभेन्ट्री सिटीलाई १-० ले पराजित गरेको हो । कठिन खेलमा पहिलो हाफमा एर्लिङ हालान्डले गरेको एकमात्र गोल सिटीलाई जित दिलाउन पर्याप्त बन्यो ।
हालान्डले खेलको २६औँ मिनेटमा एन्टोइन सेमेन्योको पासलाई सदुपयोग गर्दै गोल गरेका थिए ।
जितसँगै तीन खेलबाट ९ अंक जोडेको सिटी प्रिमियर लिगको शीर्षस्थानमा उक्लिएको छ । लगातार तीन खेलमा पराजित कोभेन्ट्री भने अंकविहीन हुँदै तालिकाको पुछारमा छ ।
शनिबार भएका अन्य खेलमा क्रिस्टल प्यालेसले फुलहमलाई ३-२ ले पराजित गर्दा न्युक्यासल युनाइटेड र बर्नमाउथले २-२ गोलको बराबरी खेले ।
यस्तै, सन्डरल्यान्ड र ब्रेन्टफोर्ड तथा ब्राइटन र लिड्स युनाइटेडले १-१ गोलको बराबरी खेले । नटिङघम फरेस्ट र टोटनहम तथा हल सिटी र एस्टन भिल्लाबीचको खेल भने गोलरहित बराबरीमा सकिएको छ ।
प्रतिक्रिया