बुटवल । ह्यप्पी साईक्लिङ क्लबको आयोजनामा भएको पहिलो क्रस कन्ट्रि रेस फेस्टिबल साईक्लिङ च्यालेन्ज २०२० को उपाधि बुटवलका सन्जय परियारले चुमेका छन ।
शनिबार भएको रेसमा २६ जनालाई पछि पार्दै उनले २०.१९ मिनेटमा रेस पूरा गर्दै उपाधि चुमेका हुन । उपाधिसंगै उनले नगद ५ हजार ५ सय ५५ रुपैया प्राप्त गरेका छन ।
बुटवलकै समीर रायनले २१.३४ मिनेटमा दुरि पार गर्दै दोस्रो हुँदै नगद ३ हजार ३ सय ३३ रुपैया प्राप्त गरे । दुबै जना बुटवल साईक्लिङ ग्रुपमा आवद्ध छन । यसैगरि बुटवलकै सृजन श्रेष्ठले २५.३३ मिनेटमा दुरि पार गर्दै तेस्रो स्थान हासिल गरेका छन ।
उनले नगद १ हजार १ सय ११ रुपैया प्राप्त गरेका छन । भिक्टर फुड र लेभिस लन्च एण्ड बार तथा एफोर्डेबल क्लोथिङ स्टोरको मुख्य प्रायोजन भएको प्रतियोगिताको बुटवल खेलकुद विकास समितिका अध्यक्ष नन्दु काउचाले उद्घाटन गर्दै स्वस्थ्य रहन साईक्लिङ महत्वपुर्ण हुने बताए ।
एक कार्यक्रमका बिच रुपन्देही जिल्ला साईक्लिङ संघका अध्यक्ष पुकार थापा, क्लबका अध्यक्ष सुमन श्रेष्ठ, कार्यक्रम संयोजक किरण श्रेष्ठ, बुटवल युनाईटेडका अध्यक्ष उत्तम श्रेष्ठ, तिनाउका अर्जुन गुरुङले पुरस्कार बितरण गरेका थिए ।
प्रतिक्रिया