गोरखा । गोरखाको भीमसेन गाउँपालिका-३ तान्द्राङमा रात्रीबस दुर्घटना भएको छ ।
काठमाडौंबाट आरुघाटका लागी छुटेको ग १ ख ९४४६ नम्बरको रात्रीबस बुधबार बिहान साढे चार बजे अनियन्त्रित भई सडकबाट करिब २० मिटर तल खसेको हो ।
दुर्घटनामा परी २२ जना घाइते भएका छन् । घाइतेमध्ये पाँच जनाको अवस्था गम्भीर रहेको जिल्ला ट्राफिक कार्यालय गोरखाका प्रमुख मित्रलाल ढकालले जानकारी दिए । उनीहरुलाई थप उपचारका लागि काठमाडौं पठाइएको उनले बताए ।
अन्य घाइतेहरुको गोरखा अस्पताल र आरुघाट प्राथमिक स्वास्थ्य केन्द्रमा उपचार भइरहेको छ । बसमा ३५ जना यात्रु रहेको प्रहरीले जनाएको छ ।
प्रतिक्रिया